Directiva e funcionamento

Como funciona o club

O club funciona de modo altruísta, tanto por parte da directiva coma dos adestradores. Non se dispón de persoal contratado nin de apoio externo, como xestorías ou apoio médico-terapéutico: a directiva preséntase de xeito voluntario e as tarefas repártense segundo a dispoñibilidade de cadaquén.

Os adestradores das distintas categorías son profesionais moi valorados, e algúns deles formaron parte durante anos do staff da propia Federación Galega de Voleibol. Ademais, temos a sorte de que membros importantes do organigrama da federación son ex-xogadores de toda a vida do noso club, que grazas á súa formación puideron crecer tanto no ámbito deportivo coma no da xestión.