O Club Voleibol Noia nace no ano 1991, comezando cun só equipo. Ao longo da nosa historia tanto o equipo sénior masculino como o feminino lograron varios campionatos galegos, ademais de participar en varias fases de ascenso á primeira división nacional. O equipo feminino xogou varios anos nesta categoría, tendo a oportunidade de xogar a fase de ascenso á liga FEV no ano 2008. Hoxe en día, os dous equipos forman parte da 1ª división galega. O club ten equipos en todas as categorías inferiores, logrou varios campionatos galegos, participou en campionatos de España e ano tras ano consolidouse como club de canteira, tendo un crecemento considerable, sobretodo dende a pandemia, sendo hoxe en día un club con máis de 150 fichas; algo nada sinxelo sendo un deporte minoritario nun pobo onde a oferta deportiva é moi ampla.

• Formación e valores por riba do resultado
• Club de canteira, con equipos en todas as categorías inferiores
• Escolas deportivas e organizador das xornadas XOGADE
• Compromiso coa vila de Noia e coa comunidade local