Nova páxina web do club

A nova páxina web do Club Voleibol Noia xa está en marcha! Coincidindo co arranque da tempada 2026-2027, o club estrea un sitio completamente renovado, pensado para ser o punto de referencia dixital de toda a familia voleibolista noiesa: xogadoras e xogadores, familias, socias e socios, patrocinadores e afeccionados en xeral.

O novo deseño busca reflectir o espírito do club: unha identidade visual propia, con fotografías reais dos nosos equipos e instalacións, e un estilo próximo e coidado que dea protagonismo á historia e ás persoas que formaron o Club Voleibol Noia dende a súa fundación en 1991.

Na sección "O Club" pódese percorrer esa historia completa, coñecer os valores do club, a xunta directiva e o palmarés acadado ao longo de máis de tres décadas. Tamén se recolle toda a información sobre as categorías, dende prebenxamín ata sénior, e sobre como formar parte do club, xa sexa como xogador ou xogadora ou facéndose socio ou socia.

A web inclúe ademais unha nova sección de retransmisións, dende onde se poderán seguir en directo os partidos e eventos que o club emita a través do seu canal de YouTube, así como unha hemeroteca de noticias que se irá actualizando coas novidades do club ao longo da tempada.

O sitio está dispoñible en galego e castelán, e seguirá medrando nas próximas semanas con novos contidos. Dende o club queremos agradecer a todas as persoas que fixeron posible este proxecto, e convidarvos a explorar a nova web e seguir de preto todo o que está por vir esta tempada.