Xuvenil de Teis vs CV Noia

O sábado pasado, o noso equipo infantil disputou o seu primeiro partido da tempada na pista do Xuvenil de Teis; un encontro que determinaría se competirían na Primeira, Segunda ou Terceira División este ano. O partido comezou ás 17:30 h e foi unha loita moi disputada contra un equipo que xogara na Primeira División a tempada anterior, mentres que o noso militara na Terceira. O noso equipo gañou o primeiro set por 20-25. No segundo, as nosas xogadoras mantiveron a concentración e tamén o gañamos nós, por 18-25. O terceiro set foi o máis reñido e tenso, caendo finalmente do lado do equipo local por 30-28. O cuarto set tamén foi unha batalla, pero na recta final decantouse ao noso favor —20-25—, asegurándonos a vitoria no partido por 1-3 e, polo de agora, o ascenso á Segunda División. Aínda que as posibilidades de xogar na Primeira División son moi escasas —un obxectivo difícil—, as nosas xogadoras son capaces de conseguilo.